Myunxenning "Bavariya" klubi darvozaboni Manuel Noyer "Olimpiakos" (2:0) klubiga qarshi o‘tkazilgan uchrashuvdan keyingi fikrlari bilan o‘rtoqlashdi.
"O‘yinni 90 daqiqa nazorat qilishga erishdik va shuni xohlagan edik. Maqsad raqibni to‘psiz yugurtirishimiz kerak edi va o‘yin so‘nggida ularning kuchi qolmadi. Biz haqli g‘alabaga erishdik. G‘alaba hamma narsadan ustun turadi, lekin bizning himoyamizdagi o‘zimizga bo‘lgan ishonch muhimroq edi. Biz yaxshi himoyalandik, to‘pni yo‘qotishimiz bilan raqibga bosim uyushtirib, to‘pni egallab olishga intildik. Hujumda ham yaxshi harakat qildik deb o‘ylayman", - dedi darvozaboni "Bavariya" rasmiy saytiga.













