«Slovan» klubi futbolchisi Kenan Bayrich Yevropa Ligasi doirasida «Vulverxempton» klubiga qarshi uchrashuvda jarohat oldi.
«Vulverxempton» klubi hujumchisi Raul Ximenes akrobatik tarzda to‘pga zarba bermoqchi bo‘ldi, ammo uning oyoqlari Bayrichning boshiga tegdi. Shundan so‘ng, «Slovan» futbolchisi maydonga quladi va hushini yo‘qotdi. Shifokorlar futbolchiga 10 daqiqa mobaynida yordam ko‘rsatishdi, keyin uni tez tibbiy yordam mashinasida kasalxonaga olib ketishdi.
«Slovan» klubi bosh murabbiyi Yan Kozak o‘yindan keyin bildirgan fikrida Bayrichga miya chayqalishi tashxisi qo‘yilganini va shifokorlar nazoratida ekanini aytib o‘tdi.