«Слован» клуби футболчиси Кенан Байрич Европа Лигаси доирасида «Вулверхэмптон» клубига қарши учрашувда жароҳат олди.
«Вулверхэмптон» клуби ҳужумчиси Рауль Хименес акробатик тарзда тўпга зарба бермоқчи бўлди, аммо унинг оёқлари Байричнинг бошига тегди. Шундан сўнг, «Слован» футболчиси майдонга қулади ва ҳушини йўқотди. Шифокорлар футболчига 10 дақиқа мобайнида ёрдам кўрсатишди, кейин уни тез тиббий ёрдам машинасида касалхонага олиб кетишди.
«Слован» клуби бош мураббийи Ян Козак ўйиндан кейин билдирган фикрида Байричга мия чайқалиши ташхиси қўйилганини ва шифокорлар назоратида эканини айтиб ўтди.
