Mamlakat televideniyelari Superkubokning o‘tkazilish joyi o‘zgartirilganligi sabablar boykot e’lon qilishdi.
Avvaliga RTVE telekanali Superkubokning final bosqichini translyasiya qilish huquqini olishni rad etdi. Keyin ularni Mediaset va Atresmedia telekanallari qo‘llab-quvvatladilar. Ular Superkubok finali Saudiya Arabistonida o‘tkazilishiga qarshi. Telekanallar bunga sabab qilib Saudiya Arabistonida inson huquqlari hurmat qilinmasligini ro‘kach qilishmoqda.
Eslatib o‘tamiz, Ispaniya Superkubogi birinchi marotaba boshqacha formatda – to‘rtta jamoa ishtirokida o‘tkazilmoqda. Ushbu turnirda mamlakat chempioni, mamlakat vise-chempioni, Kubok sohibi va Kubok finalida o‘ynagan jamoalar ishtirok etadi. Bu mavsumda bosh sovrin uchun «Barselona», «Atletiko», «Real» va «Valensiya» klublari o‘zaro bahs olib boradi.
Turnir 2020 yilning yanvar oyida o‘tkazilishi rejalashtirilgan.