Мамлакат телевидениелари Суперкубокнинг ўтказилиш жойи ўзгартирилганлиги сабаблар бойкот эълон қилишди.

Аввалига RTVE телеканали Суперкубокнинг финал босқичини трансляция қилиш ҳуқуқини олишни рад этди. Кейин уларни Mediaset ва Atresmedia телеканаллари қўллаб-қувватладилар. Улар Суперкубок финали Саудия Арабистонида ўтказилишига қарши. Телеканаллар бунга сабаб қилиб Саудия Арабистонида инсон ҳуқуқлари ҳурмат қилинмаслигини рўкач қилишмоқда.

Эслатиб ўтамиз, Испания Суперкубоги биринчи маротаба бошқача форматда – тўртта жамоа иштирокида ўтказилмоқда. Ушбу турнирда мамлакат чемпиони, мамлакат вице-чемпиони, Кубок соҳиби ва Кубок финалида ўйнаган жамоалар иштирок этади. Бу мавсумда бош соврин учун «Барселона», «Атлетико», «Реал» ва «Валенсия» клублари ўзаро баҳс олиб боради.

Турнир 2020 йилнинг январь ойида ўтказилиши режалаштирилган.