Madrid arbitraj sudi La Liganing 16-tur doirasida bo‘lib o‘tadigan "Vilyarreal" va Madridning "Atletiko" jamoalari o‘rtasidagi uchrashuvni AQSHning Mayami shahrida o‘tkazishiga ruxsat bermadi deya xabar tarqatmoqda Marca nashri.
Eslatib o‘tamiz, ushbu uchrashuv 8 dekabr kuni bo‘lib o‘tishi kerak edi. Agar ushbu o‘yin o‘tkazilganida ilk marotaba Ispaniyadan tashqarida o‘tkazilgan La Liga doirasidagi uchrashuv sifatida tarixdan joy olar edi.
"Biz bu qarorni hurmat qilamiz. Masalaning asl mohiyatiga 2020 yilning fevral oyida aniqlik kiritiladi. Rasmiy uchrashuvlarning xorijda o‘tkazilishi La Liganing uzoq muddatli Halqaro rivojlanish strategiyasining bir qismidir. Umid qilamizki, 4 fevraldan boshlab La Liga uchrashuvlarini Ispaniyadan tashqarida o‘tkazish huquqini olamiz", - deyiladi La Ligi bergan bayonotda.
