Мадрид арбитраж суди Ла Лиганинг 16-тур доирасида бўлиб ўтадиган "Вильярреал" ва Мадриднинг "Атлетико" жамоалари ўртасидаги учрашувни АҚШнинг Майами шаҳрида ўтказишига рухсат бермади дея хабар тарқатмоқда Marca нашри.
Эслатиб ўтамиз, ушбу учрашув 8 декабрь куни бўлиб ўтиши керак эди. Агар ушбу ўйин ўтказилганида илк маротаба Испаниядан ташқарида ўтказилган Ла Лига доирасидаги учрашув сифатида тарихдан жой олар эди.
"Биз бу қарорни ҳурмат қиламиз. Масаланинг асл моҳиятига 2020 йилнинг февраль ойида аниқлик киритилади. Расмий учрашувларнинг хорижда ўтказилиши Ла Лиганинг узоқ муддатли Ҳалқаро ривожланиш стратегиясининг бир қисмидир. Умид қиламизки, 4 февральдан бошлаб Ла Лига учрашувларини Испаниядан ташқарида ўтказиш ҳуқуқини оламиз", - дейилади Ла Лиги берган баёнотда.