JCH-2022 saralashi doirasida O‘zbekiston terma jamoasi Falastinga qarshi uchrashuvda revansh olishga muvaffaq bo‘ldi.

Bahsning 18-daqiqasida Shomurodovning goli evaziga terma jamoamiz hisobni ochishdi. Unga uzatmani Alijonov yetkazgan. Bo‘lim so‘ngida Eldorda yana bir ajoyib imkoniyat yuzaga keldi, ammo "Rostov" futbolchisiga ozgina aniqlik yetishmadi.

Ikkinchi taymda esa jamoamiz bir nechta xavfli vaziyatlar yaratib, ulardan bittasini golga aylaytirdi. Ahmedovning uzatmasini Eldor raqib jarima maydonida qabul qilib, bir himoyachini aldadi va aniq zarba bilan hisobdagi farqni oshirdi!

Hojiakbar o‘zi ega bo‘lgan 2ta o‘ta qulay imkoniyatlarni golga aylantirganida, hisob yanada yirik ko‘rinish olgan bo‘lar edi.

Shu tariqa, O‘zbekiston terma jamoasi o‘z ochkolarini 9taga yetkazib, guruh peshqadamiga aylandi.

JCH-2022, saralash
O‘ZBEKISTON - FALASTIN - 2:0 (1:0)
Gollar: Eldor Shomurodov (18, 58)
Ogohlantirish: Abdulatif Bahdoriy (34)
O‘zbekiston: 1.Eldorbek Suyunov - 3.Hojiakbar Alijonov, 5.Rustam Ashurmatov, 20.Islom To‘xtaxo‘jayev, Oleg Zoteev - 8.Ikrom Aliboyev, 9.Odil Ahmedov, 13.Sanjar Qodirqulov - 10.Jaloliddin Masharipov (Jamshid Iskandarov 74), 17.Dostonbek Hamdamov (Sardor Sobirxo‘jayev 86), 14.Eldor Shomurodov (Temurxo‘ja Abduxoliqov 78).
Falastin: 22.Rami Hamada, 3.Muhammad Rashid (Muhammad Yamin 56), 5.YOsir Hamid, 7.Musab Battat (Musa Faroviy 61), 11.YOsir Islom (Mahmud Vodiy 74), 14.Abdulloh Jobir, 15.Abdullatif Bahdariy, 18.Solih Chihadeh, 20.Nazmi al-Badaviy, 21.Islom Batran, 23.Muhammad Darvish.
Bosh hakam: Navof Shukrulloh Abdulla G‘ayyat (Bahrayn)