ЖЧ-2022 саралаши доирасида Ўзбекистон терма жамоаси Фаластинга қарши учрашувда реванш олишга муваффақ бўлди.

Баҳснинг 18-дақиқасида Шомуродовнинг голи эвазига терма жамоамиз ҳисобни очишди. Унга узатмани Алижонов етказган. Бўлим сўнгида Элдорда яна бир ажойиб имконият юзага келди, аммо "Ростов" футболчисига озгина аниқлик етишмади.

Иккинчи таймда эса жамоамиз бир нечта хавфли вазиятлар яратиб, улардан биттасини голга айлайтирди. Аҳмедовнинг узатмасини Элдор рақиб жарима майдонида қабул қилиб, бир ҳимоячини алдади ва аниқ зарба билан ҳисобдаги фарқни оширди!

Ҳожиакбар ўзи эга бўлган 2та ўта қулай имкониятларни голга айлантирганида, ҳисоб янада йирик кўриниш олган бўлар эди.

Шу тариқа, Ўзбекистон терма жамоаси ўз очколарини 9тага етказиб, гуруҳ пешқадамига айланди.

ЖЧ-2022, саралаш
ЎЗБЕКИСТОН - ФАЛАСТИН - 2:0 (1:0)
Голлар: Элдор Шомуродов (18, 58)
Огоҳлантириш: Абдулатиф Баҳдорий (34)
Ўзбекистон: 1.Элдорбек Суюнов - 3.Ҳожиакбар Алижонов, 5.Рустам Ашурматов, 20.Ислом Тўхтахўжаев, Олег Зотеев - 8.Икром Алибоев, 9.Одил Аҳмедов, 13.Санжар Қодирқулов - 10.Жалолиддин Машарипов (Жамшид Искандаров 74), 17.Достонбек Ҳамдамов (Сардор Собирхўжаев 86), 14.Элдор Шомуродов (Темурхўжа Абдухолиқов 78).
Фаластин: 22.Рами Ҳамада, 3.Муҳаммад Рашид (Муҳаммад Ямин 56), 5.Ёсир Ҳамид, 7.Мусаб Баттат (Муса Фаровий 61), 11.Ёсир Ислом (Маҳмуд Водий 74), 14.Абдуллоҳ Жобир, 15.Абдуллатиф Баҳдарий, 18.Солиҳ Чиҳадеҳ, 20.Назми ал-Бадавий, 21.Ислом Батран, 23.Муҳаммад Дарвиш.
Бош ҳакам: Навоф Шукруллоҳ Абдулла Ғайят (Баҳрайн)