Ispaniya terma jamoasidan qabul qilib olingan yirik hisobdagi mag‘lubiyatdan so‘ng, Ruminiya terma jamoasi bosh murabbiyi iste’foga chiqarildi.

Kosmin Kontra 2017 yilning sentyabr oyida terma jamoani qabul qilib olgandi, kecha iste’foga chiqarildi deya xabar bermoqda rumin matbuoti.

43 yoshli «Milan», «Atletiko» va «Vest Bromvich» klublari sobiq himoyachisining ishlari murabbiylik faoliyatida muvaffaqiyatli kechmadi. Yevro-2020ning saralash bosqichida F guruhidan o‘rin olgan Ruminiya terma jamoasi Farer orollari va Malta terma jamoalarini mag‘lub eta oldi xolos.  Yakunda Ispaniya, Shvesiya va Norvegiya terma jamoalaridan keyin 4-o‘rinni egalladi. So‘nggi uch uchrashuvda Ruminiya terma jamoasi atigi bir ochko jamg‘ardi xolos. Kecha «Vanda Metropolitano» stadionida bo‘lib o‘tgan uchrashuvda Ispaniya terma jamoasiga 5:0 hisobida mag‘lub bo‘ldi.