Испания терма жамоасидан қабул қилиб олинган йирик ҳисобдаги мағлубиятдан сўнг, Руминия терма жамоаси бош мураббийи истеъфога чиқарилди.

Космин Контра 2017 йилнинг сентябрь ойида терма жамоани қабул қилиб олганди, кеча истеъфога чиқарилди дея хабар бермоқда румин матбуоти.

43 ёшли «Милан», «Атлетико» ва «Вест Бромвич» клублари собиқ ҳимоячисининг ишлари мураббийлик фаолиятида муваффақиятли кечмади. Евро-2020нинг саралаш босқичида F гуруҳидан ўрин олган Руминия терма жамоаси Фарер ороллари ва Мальта терма жамоаларини мағлуб эта олди холос.  Якунда Испания, Швеция ва Норвегия терма жамоаларидан кейин 4-ўринни эгаллади. Сўнгги уч учрашувда Руминия терма жамоаси атиги бир очко жамғарди холос. Кеча «Ванда Метрополитано» стадионида бўлиб ўтган учрашувда Испания терма жамоасига 5:0 ҳисобида мағлуб бўлди.