Rossiyaning «Rostov» klubi bosh murabbiyi Valeriy Karpin yaqin soatlar ichida «Sochi» klubi bosh murabbiyiga aylanishi mumkin.
Bu haqda «Federal axborot agentligi» xabar tarqatdi.
“Sochi” klubi rahbariyati Aleksandr Tochilin bosh murabbiylikdan ketganidan keyin klub rahbariyati Karpin nomzodini ko‘rib chiqmoqda. Hozircha “Sochi” klubini Roman Berezovskiy vaqtinchalik boshqarib turibdi.
Xabarda aytilishicha, “Rostov” klubi agar kompensasiya olsa, u holda Karpinni qo‘yib yuborishga tayyor. Mutaxassisning tovon puli 5 million yevroni tashkil etadi.
“Sochi” klubi 16 uchrashuvdan 13 ochka jamg‘argan holda turnir jadvalining so‘nggi pog‘onasini band etib turibdi.