Россиянинг «Ростов» клуби бош мураббийи Валерий Карпин яқин соатлар ичида «Сочи» клуби бош мураббийига айланиши мумкин.
Бу ҳақда «Федерал ахборот агентлиги» хабар тарқатди.
“Сочи” клуби раҳбарияти Александр Точилин бош мураббийликдан кетганидан кейин клуб раҳбарияти Карпин номзодини кўриб чиқмоқда. Ҳозирча “Сочи” клубини Роман Березовский вақтинчалик бошқариб турибди.
Хабарда айтилишича, “Ростов” клуби агар компенсация олса, у ҳолда Карпинни қўйиб юборишга тайёр. Мутахассиснинг товон пули 5 миллион еврони ташкил этади.
“Сочи” клуби 16 учрашувдан 13 очка жамғарган ҳолда турнир жадвалининг сўнгги поғонасини банд этиб турибди.