Londonning “Tottenxem” klubida o‘zgarishlar davom etmoqda.
Klubning yangi bosh murabbiyi Joze Mourinyoning so‘zlariga qaraganda, uning murabbiylar shtabida «Lill» klubining ikki nafar mutaxassisi ish boshladi.
Sky Sports nashrining tarqatgan ma’lumotiga qaraganda, Fransiyaning vise-chempioni sport direktori Luish Kampush ham ish boshlash arafasida turibdi. Kampush Mourinyo bilan do‘stona munosabatda.
55 yoshli portugaliyalik Kampush 1993 yildan 2005 yilgacha o‘z vatanida «Avesh», «Jil Visente», «Vitoriyu» (Setubal)va «Beyra-Mar» klublarida murabbiy bo‘lib ishlagan. Keyinchalik u “Real”da skaut bo‘lib ishladi. So‘ngra «Monako» klubida rahbarlik lavozimida faoliyat olib borganidan so‘ng, 2017 yilning yozida «Lill» klubida sport direktori lavozimida ish boshladi.
O‘z vaqtida Kampush o‘zi ishlagan klublariga Xames Rodriges, Kilian Mbappe, Antoni Marsyal, Fabinyo, Nikolya Pepe va bir qator mashhur futbolchilarning transferlarida ishtirok etgan va o‘zi ishlagan klublar uchun 600 million yevroga yaqin foyda olib kelgan.