Krishtianu Ronaldu. Yoshligi mashaqqatlar ichra kechgan futbolchi hayotda juda ko‘p sinovlarni yengib o‘tgan. Ehtimol, shuning uchun ham uning hayot, futbol haqidagi fikrlari o‘ziga xosdir.
Imkoniyat haqida
"Bitta imkoniyat, portlash!"
Tanlov haqida
"Ehtimol, Messi siz uchun eng yaxshisi bo‘lishi mumkin, boshqalar esa Inyestani shunday deb o‘ylashlari mumkin. Men har kimning tanlovini hurmat qilaman, lekin men o‘zim uchun dunyodagi eng zo‘riman!»
Alloh haqida
“Otam menga doim yaxshilik qilib, boshqalarga yordam bersang, Xudo bu yaxshiligingni ikki baravar qilishini aytib yurgan. Men bilan ham shunday bo‘ldi. Men muhtojlarga yordam berishga harakat qildim va Xudo menga ko‘proq yordam berdi».
O‘yin haqida
"Har yili o‘z o‘yinim darajasini oshirishni xohlayman. Bu Messi bilan raqobat emas, bu o‘zi bilan raqobat».
"Futbol bu mening hayotim, eng katta ishtiyoqim va zavqim. ... Biz har kuni odamlarning o‘zlarining ishini yoqtirmasliklari, faqat pul ishlash uchun ishlashlari haqida shikoyat qilayotganlarini eshitamiz. Menga o‘zim yoqtirgan narsani qilish imkoniyatini bergani uchun Xudodan minnatdorman».
Xatolar, odamlar haqida
"Ko‘p marta aytib o‘tganimdek, men o‘zimni ideal deb atay olmayman. Men insonman. Men hamma odamlar singari go‘sht va qondan yaratilganman. Yig‘layman, kulaman, muammolarim bor. Aytilishi kerak bo‘lmagan narsani aytganimda, uzr so‘rayman".
Mashaqqat haqida
“Men qiyin ishlarni yaxshi ko‘radigan odamlardanman. Mening butun hayotim yangi qiyinchiliklarni topishga qaratilgan.
"Ko‘p gapiradigan kishi odatda ko‘p tinglamaydi".
Talabchanlik haqida
"Psixologik jihatdan, ehtimol mening eng kuchli xislatim – har doim yaxshiroq bo‘lishni istaganimdir. Balki, shuning uchun ko‘p yillar davomida men bunday yuqori darajani saqlab kelgandirman».
«Mashg‘ulotlarda men hech qachon takrorlay olmaydigan turli xil usullarni ko‘rsatardim. Men bir marta Skoulzga maqtandim. Pol esa to‘pni olib, bizdan ellik metr narida joylashgan bir daraxtga ishora qildi va birinchi urinishda unga tekkizishini aytdi. U to‘pni tekkizdi va takrorlashimni so‘radi. Men o‘n marta tepdim, lekin hech qachon nishonga tegmadi. Skoulz jilmayib, maydonni tark etdi".
«Iqtidorga ega bo‘lish yetarli emas. Qattiqroq ishlang».
“Eng yuqori darajada bo‘lish uchun biz boshqalardan ajralib turishimiz kerak. Biz yanada yaxshiroq va professional bo‘lishimiz lozim".
O‘tmish haqida
“Bizda pul bor, mashina bor, bizda hamma narsa bor. Ammo biz bularga erishish uchun nimalarni boshdan kechirganimizni bilmaysiz".
“Men noxush holatlarga ko‘nikib qoldim. Ba’zan odamlar men haqimda aytgan narsalarni eshitishdan charchayman, lekin bu hayotimning bir qismi. Doim kurashishga ko‘nikib ketdim».
