Angliya premyer-ligasining 13-turi doirasida «Kristal Pelas» o‘z uyida «Liverpul»ni qabul qildi. Klopp shogirdlari bu bahsda qiyinchilik bilan g‘alaba qozonishdi.

Birinchi bo‘lim so‘ngida mezbonlar hisobni ochishgan edi, ammo VAR vaziyatni qayta ko‘rib chiqib, golni bekor qildi.

Ikkinchi bo‘lim boshida esa Sadio Mane darvozani ishg‘ol qildi. Uning zarbasidan keyin to‘p posbonning qo‘li va darvozaning ikkita ustuniga tegib, chiziqni kesib o‘tdi.

Shundan so‘ng "Kristal Pelas" hujumdagi faollikni oshirib, hisobni tenglashtirishga muvaffaq bo‘ldi. Uilfrid Zaha darvozani ishg‘ol qildi.

Oradan atigi 3 daqiqa o‘tib "Liverpul" yana oldinga chiqib oldi. Darvoza maydonchasi ichida turgan himoyachilar to‘pni uzoqqa tepib yubora olishmadi, Firmino esa to‘pni darvozaga joylab qo‘ydi.

Ikkinchi bo‘limga qo‘shib berilgan daqiqalarda Zaha mersisaydliklarni kechirdi: u yakkama-yakka vaziyatda yuqoriga zarba berib yubordi.

Shu tariqa, "Liverpul" navbatdagi g‘alabani qo‘lga kiritdi va o‘z ochkolarini 37taga yetkazib oldi.

Angliya chempionati, 13-tur
Kristal Pelas – Liverpul 1:2 (0:0, 1:2)
Gollar: 0:1 – 49 Mane, 1:1 – 82 Zaa, 1:2 – 85 Firmino.
Kristal Pelas – Guaita, Uord (Kelli, 70), Keyxill, van Anxolt, Tomkins, Taunsend, Makartur, Milivoyevich, Kuyate (Shlupp, 72), Zaa, Ayyu (Benteke, 76).
Liverpul – Alisson, Robertson, van Deyk, Lovren, Aleksander-Arnold, Veynaldum, Fabinyo, Oksleyd-CHemberlen (Origi, 64), Xenderson (Milner, 79), Mane, Firmino (Gomes, 89).
Ogohlantirish: Fabinyo (54).