Angliya premyer-ligasining 13-turi doirasida «Arsenal» o‘z uyida «Sautgempton»ni qabul qildi. Unai Emeri shogirdlari bu bahsda qiyinchilik bilan mag‘lubiyatdan qutulib qolishdi.

Mehmonlar tezkor gol urishga muvaffaq bo‘lishdi. Denni Ingz bahsning 8-daqiqasida hisobni ochishga muvaffaq bo‘ldi. Oradan 10 daqiqa o‘tib Aleksandr Lyakazett hisobni tenglashtirdi.

Uchrashuvning 57-daqiqasida omad "Sautgempton" tomonida bo‘ldi. Nikolya Pepe "qaychi" uslubida zarba berganidan so‘ng to‘p darvoza to‘siniga tegib qaytdi. Bahsning 70-daqiqasida Kiran Tirni qo‘li bilan Ingzni tortib qolgani uchun "Arsenal" darvozasiga penalti belgilandi. Uord-Prouz bergan zarbani "kanonirlar" posboni Bernd Leno qaytardi. Jeymsning o‘zi qaytgan to‘pni darvozaga joylab, jamoasini hisobda oldinga olib chiqdi.

O‘yinning so‘nggi daqiqalarida "Sautgempton" futbolchisi Mussa Jenepo ikkita yuz foizli imkoniyatdan foydalana olmadi. Qo‘shib berilgan 6-daqiqada esa "Arsenal" hisobni tenglashtirdi. Qanotdan yetkazilgan uzatmaga chiqishda mehmonlar darvozaboni Makkarti xatoga yo‘l qo‘ydi. Lyakazett esa 8 metrdan darvozani zabt etdi.

Shu tariqa, "Sautgempton" g‘alaba qozonishi mumkin bo‘lgan o‘yinda, bor-yo‘g‘i ochko bilan kifoyalandi. Jamoa 9 ochko bilan 19-o‘rinni egallab turibdi.

Angliya chempionati, 13-tur
Arsenal – Sautgempton 2:2 (1:1, 1:1)
Gollar: 0:1 – 8 Ingz, 1:1 – 18 Lyakazett, 1:2 – 71 Uord-Prouz, 2:2 – 90+6 Lyakazett.
Arsenal – Leno, Belyerin (Martinelli, 83), Papastatopulos, Chembers (Pepe, 46), Tirni, Torreyra (Uillok, 83), Genduzi, Ozil, David Luiz, Lyakazett, Obameyang.
Sautgempton – Makkarti, Soaresh, Bednarek, Bertran, Stivens, Armstrong (Bufal, 86), Xeybyerg, Uord-Prouz, Redmond, Obafemi (Djenepo, 76), Ingz (Long, 73).
Ogohlantirishlar: Torreyra (23), Papastatopulos (28), Ingz (31), Lyakazett (45), Pepe (65), Tirni (69), Bertran (81), Genduzi (89).