Англия премьер-лигасининг 13-тури доирасида «Арсенал» ўз уйида «Саутгемптон»ни қабул қилди. Унаи Эмери шогирдлари бу баҳсда қийинчилик билан мағлубиятдан қутулиб қолишди.

Меҳмонлар тезкор гол уришга муваффақ бўлишди. Дэнни Ингз баҳснинг 8-дақиқасида ҳисобни очишга муваффақ бўлди. Орадан 10 дақиқа ўтиб Александр Ляказетт ҳисобни тенглаштирди.

Учрашувнинг 57-дақиқасида омад "Саутгемптон" томонида бўлди. Николя Пепе "қайчи" услубида зарба берганидан сўнг тўп дарвоза тўсинига тегиб қайтди. Баҳснинг 70-дақиқасида Киран Тирни қўли билан Ингзни тортиб қолгани учун "Арсенал" дарвозасига пенальти белгиланди. Уорд-Проуз берган зарбани "канонирлар" посбони Бернд Лено қайтарди. Жеймснинг ўзи қайтган тўпни дарвозага жойлаб, жамоасини ҳисобда олдинга олиб чиқди.

Ўйиннинг сўнгги дақиқаларида "Саутгемптон" футболчиси Мусса Женепо иккита юз фоизли имкониятдан фойдалана олмади. Қўшиб берилган 6-дақиқада эса "Арсенал" ҳисобни тенглаштирди. Қанотдан етказилган узатмага чиқишда меҳмонлар дарвозабони Маккарти хатога йўл қўйди. Ляказетт эса 8 метрдан дарвозани забт этди.

Шу тариқа, "Саутгемптон" ғалаба қозониши мумкин бўлган ўйинда, бор-йўғи очко билан кифояланди. Жамоа 9 очко билан 19-ўринни эгаллаб турибди.

Англия чемпионати, 13-тур
Арсенал – Саутгемптон 2:2 (1:1, 1:1)
Голлар: 0:1 – 8 Ингз, 1:1 – 18 Ляказетт, 1:2 – 71 Уорд-Проуз, 2:2 – 90+6 Ляказетт.
Арсенал – Лено, Бельерин (Мартинелли, 83), Папастатопулос, Чемберс (Пепе, 46), Тирни, Торрейра (Уиллок, 83), Гендузи, Озил, Давид Луиз, Ляказетт, Обамеянг.
Саутгемптон – Маккарти, Соареш, Беднарек, Бертран, Стивенс, Армстронг (Буфаль, 86), Хейбьерг, Уорд-Проуз, Редмонд, Обафеми (Дженепо, 76), Ингз (Лонг, 73).
Огоҳлантиришлар: Торрейра (23), Папастатопулос (28), Ингз (31), Ляказетт (45), Пепе (65), Тирни (69), Бертран (81), Гендузи (89).