«Bavariya» yarim himoyachisi Filippe Koutinyo ijara shartnomasi yakuniga yetganidan keyin ham Myunxenda qolish istagi borligini ma’lum qildi.

«O‘zimni «Bavariya»da juda yaxshi his qilyapman. Bu yerda kamida bir yil qolishni rejalashtiryapman va o‘z e’tiborimni jamoa o‘yiniga qaratyapman. Agar barchasi yaxshi bo‘lsa, bu yerda yana qolishni xohlardim», – dedi braziliyalik futbolchi.

Eslatib o‘tamiz, Koutinyoning transfer huquqi «Barselona»ga tegishli. "Bavariya" bir yillik ijara uchun 8,5 million yevro to‘ladi va kelishuvga ko‘ra, myunxenliklar uning transferini 120 million yevroga sotib olishlari mumkin. Yarim himoyachi ushbu mavsumda 18ta o‘yinda maydonga tushib, 3ta gol urdi va 5ta golga uzatma berdi.