Unai Emerining iste’foga chiqarilgani hozircha "Arsenal"ga naf keltirmayapti. Yungbergga esa murakkab bo‘lmagan taqvim ham yordam bera olmayapti.

"Kanonirlar" kecha oqshom o‘z maydonida "Brayton"ni qabul qilib, imkoniyatni boy berdi. Mehmonlar o‘yinni faol boshlab, londonliklarning ko‘z ochishiga yo‘l qo‘ymadi. Bahsning 36-daqiqasida burchak zarbasidan keyin Uebster darvozani ishg‘ol qildi.

Ikkinchi bo‘lim boshida burchak to‘pi o‘yinga kiritilganidan keyin Lyakazett bosh bilan darvozani ishg‘ol qildi.

O‘yin tugashiga 9 daqiqa qolganida esa qanotdan yetkazilgan uzatmani Mope bosh bilan "Arsenal" darvozasiga joylab, "Brayton"ga g‘alaba keltirdi. Ushbu mag‘lubiyat tufayli "kanonirlar" jadvalda 10-o‘ringa tushib ketdi.

Angliya chempionati, 15-tur
Sheffild Yunayted – Nyukasl 0:2 (0:1, 0:1)
Gollar: 0:1 – 15 Sen-Maksimen, 0:2 – 70 Shelvi.
Sheffild Yunayted – Xenderson, Bashem (Frimen, 75), Igan, O`Konnell, Boldok, Landstrem, Norvud (Makgoldrik, 72), Flek, Stivens, Makberni, Sharp (Musse, 63).
Nyukasl – Dubravka, Mankilyo, Fernandes, Klark, Dammett, Villems, Almiron (Kraft, 88), Xeyden, Shelvi, Sen-Maksimen (Atsu, 81), Kerroll (Joelinton, 72).
Ogohlantirishlar: Sharp (49), Frimen (87).
 
Arsenal – Brayton 1:2 (0:1, 1:1)
Gollar: 0:1 – 36 Uebster, 1:1 – 50 Lyakazett, 1:2 – 80 Mope.
Arsenal – Leno, Belyerin, Papastatopulos, David Luiz, Kolashinas (Tirni, 72), Jaka, Torreyra, Obameyang, Uillok (Pepe, 46), Ozil, Lyakazett (Martinelli, 77).
Brayton – Rayan, Alsate (Daffi, 88), Uebster, Dank, Bern, Stivens, Propper, Muy, Gross (Trossard, 80), Mope, Konnolli (Montoyya, 76).
Ogohlantirishlar: Belyerin (20), Papastatopulos (45), Gross (60), David Luiz (68).