Moskvaning "Spartak" klubi bosh murabbiyi Domeniko Tedesko "Rostov" (1:4) klubiga qarshi bo‘lib o‘tgan uchrashuvdan keyin o‘tkazilgan matbuot anjumanida ishtirok etib, jurnalistlar savollariga javob qaytardi.

"Shubhasiz, natijadan g‘azabdamiz. Uyda 1:4 hisobida imkoniyatni boy berish bu — jiddiy. Uchrashuv qanday tushunarsiz bo‘ldi – raqib oltita zarba yo‘llab, shularning to‘rttasida gol kiritdi, biz bo‘lsa juda ko‘plab imkoniyatlarga ega bo‘ldik, ketma ket xavfli hujumlar uyushtirdik, lekin atigi bitta gol kiritdik. Endi oldimizda turgan yig‘inda samarali ishlashimiz kerak.

Hisobni va o‘yinni ajratish kerak. 1:4 — adolatsiz natija. «Ural» bilan bo‘lgan uchrashuvda ham biz g‘alaba qozonishimiz kerak edi. Men har doim o‘z futbolchilarimni himoya qilib kelaman. Har doim. Murabbiy doim futbolchilarning o‘yinlariga bog‘liq bo‘ladi. Bugun futbolchilarni ayblash uchun hech qanday sabab yo‘q. Maksimenko va Kralular — 21 yosh, Umarov — 19 yosh. Yosh futbolchilarni tajribasini oshirishda mehnat qilishimiz kerak, bu klubning asosiy maqsadi. Hech qanday vahima qiladigan narsa sodir bo‘lmadi deb o‘ylayman. Bizga vaqt kerak. Ehtimol, kim uchundir yetti hafta yetarli vaqtdir, lekin men bunday deb hisoblamayman. Kimdir Tedesko aybdor deb yozsa, bunday yozishga uning haqqi bor", - dedi Tedesko klub rasmiy saytiga.