Fransiyaning "Lion" klubi bosh murabbiyi Rudi Garsiya YECHL doirasida "Leypsig" klubiga qarshi bo‘lib o‘tadigan uchrashuv haqidagi fikrlari bilan o‘rtoqlashdi.
"Vernerni juda yaxshi bilaman, mening jamoam 2018 yili unga qarshi o‘ynagan. U o‘ta tez hujumchi, ammo, biz e’tiborni faqat unga emas, butun raqib jamoaga qaratishimiz kerak. Bor imkoniyatlarimizni ishga solishimiz shart. Aynan mana shunday uchrashuvlar uchun “Lion”ga kelganman. Futbolchilarimiz hamma narsani yaxshi tushunib turishibdi. Barcha futbolchilarimiz bor imkoniyatlarini ishga solishga tayyor", - dedi Garsiya UEFA rasmiy saytiga.