Angliyaning "Liverpul" klubi bosh murabbiyi Yurgen Klopp YECHL doirasida "Zalsburg" klubiga qarshi bo‘lib o‘tadigan uchrashuvdan avvalgi fikrlari bilan o‘rtoqlashdi.
"O‘ylaymanki, bugun o‘zimizning eng yaxshi o‘yinlarimizdan birini ko‘rsatamiz. "Zalsburg" ikki hafta oldingi natijadan juda xursand bo‘ldi, chunki, bizga qarshi uchrashuv avstriyaliklar uchun finalga teng edi. Barchamiz bu muhim o‘yin ekanligini tushunib turibmiz va biz bunday tayyormiz. Mezbonlarni faqat g‘alaba qoniqtiradi. Biroq, bizning o‘z ehtiroslarimiz bor va o‘yindan zavq olishimiz kerak.
"Enfild"dagi uchrashuvni yaxshi boshlagan edik, ammo, keyinchalik raqibga o‘zimiz imkoniyat yaratib bergan edik. "Zalsburg" o‘sha imkoniyatlardan foydalanib qoldi. Raqibimiz iqtidorli jamoa hisoblanadi va Djessi Marshdek ajoyib murabbiyga ega. Bugungi bahs biz uchun mavsumdagi eng muhim o‘yinlardan biri hisoblanadi", - dedi Klopp UEFA rasmiy saytiga.