Moskvaning SSKA klubi bosh murabbiyi Viktor Goncharenko RPL hakamlari haqida fikr bildirdi.
— VAR paydo bo‘lganidan keyin hakamlarni mutlaqo boshqacha baholash kerak. Baholash sub’ektiv bo‘lishi mumkin, ammo men raqamlarni keltirishim mumkin: so‘nggi uchta safardagi o‘yinlarimizda darvozamizga ikkita penalti belgilandi va bitta qizil kartochka ko‘rsatildi. Rozi bo‘lish va bahslashish mumkin, ammo, men ushbu vaziyatlarning birortasida o‘yin qoidasi buzilmaganligiga ishonaman, — dedi Goncharenko «Match TV» telekanaliga.