"PSJ" bosh murabbiyi Tomas Tuxelning ish uslubi tufayli klub yana bir yetakchisidan ayrilishi mumkin.

"Pari Sen-Jermen"ning so‘nggi 2ta o‘yinida Mbappening zaxiraga olinishi Kilianning keskin noroziligiga sabab bo‘ldi. Ayniqsa, Monpelyedagi o‘yindan keyin 20 yoshli futbolchining sabr kosasi to‘ldi. Fransiyalik futbolchi maydonni tark etish chog‘ida murabbiy uning yoniga kelib, o‘z qarorini tushuntirmoqchi bo‘ldi. Ammo Mbappe oshkora tarzda murabbiydan yuz o‘girdi va unga e’tibor qaratmaslikka harakat qildi.

Neymar va Mbappe bilan yuzaga bunday vaziyatlar tufayli Tuxel o‘z "kursi"sini yo‘qotish xavfi ostida qoldi. Bu haqda Mundo Deportivo xabar tarqatdi.

Bundan tashqari, Tuxelning futbolchiga yosh bolaga qaragandek munosabatda bo‘lishi va omma oldida uni tarbiyalashga urinishi Mbappega yoqmayapti. Kilian o‘zini yulduz deb hisoblaydi va zaxiraga olinishni o‘ziga nisbatan haqorat deb hisoblamoqda.

Germaniyalik mutaxassis esa o‘z uslubida qat’iy qolmoqda va hech bir o‘yinchiga imtiyoz bermoqchi emas. Tuxelning fikricha, Mbappe yanada o‘sishga erishi uchun futbolchi katta ishtiyoq bilan ishlashi kerak.

Murabbiy va futbolchi o‘rtasidagi ziddiyat "PSJ" rahbariyatini xavotirga solmoqda. Parijliklar sport direktori Leonardo esa yuz bergan voqealar tufayli Kilian yangi shartnoma imzolashdan bosh tortishi va natijada "Real"ga o‘tib ketishidan xavfsiramoqda.

Agar mojaroga barham berilmasa, "PSJ" rahbari Mbappe yoki Tuxeldan birini tanlashiga to‘g‘ri kelishi mumkin.