Turinning «Yuventus» klubi bosh murabbiyi Maurisio Sarri futbolchilar ichki chempionatdagi o‘yinlari saviyasini oshirishi kerakligini aytib o‘tdi.

— Statistikaga ko‘ra, YECHLdagi o‘yinlardan keyin intensivlik darajasi va ochkolar sonini kamayishi xavfi mavjud.Agar bu holat mavsumda 2-3 marta sodir bo‘lsa, bu bilan bahslasha olmaysiz. Bu holat nima uchun biz bilan ro‘y berayotganini aniqlashimiz va vaziyatni to‘g‘rilashimiz kerak. A Seriya bilan YECHLni farqi bor, lekin YECHLdagi raqiblar ochiq o‘yin namoyish etadi deb ayta olmaymiz. «Bayer» klubi imkon qadar to‘pni o‘z nazoratiga olishga harakat qiladi, «Lokomotiv» klubi esa yopiq futbol o‘ynashga odatlangan.

Ehtimol, Skudettoni ketma-ket qo‘lga kiritganimizdan keyin ongimiz boshqa narsalarni o‘ylayotgan bo‘lishi mumkin, ammo A Seriya g‘olibligi biz uchun muhim sanaladi. Agar biz YECHLda raqobatdosh bo‘lishni istayotgan bo‘lsak, u holda Italiyada ham raqobatdosh bo‘lishimiz shart, — dedi Sarri.