Туриннинг «Ювентус» клуби бош мураббийи Маурицио Сарри футболчилар ички чемпионатдаги ўйинлари савиясини ошириши кераклигини айтиб ўтди.
— Статистикага кўра, ЕЧЛдаги ўйинлардан кейин интенсивлик даражаси ва очколар сонини камайиши хавфи мавжуд.Агар бу ҳолат мавсумда 2-3 марта содир бўлса, бу билан баҳслаша олмайсиз. Бу ҳолат нима учун биз билан рўй бераётганини аниқлашимиз ва вазиятни тўғрилашимиз керак. А Серия билан ЕЧЛни фарқи бор, лекин ЕЧЛдаги рақиблар очиқ ўйин намойиш этади деб айта олмаймиз. «Байер» клуби имкон қадар тўпни ўз назоратига олишга ҳаракат қилади, «Локомотив» клуби эса ёпиқ футбол ўйнашга одатланган.
Эҳтимол, Скудеттони кетма-кет қўлга киритганимиздан кейин онгимиз бошқа нарсаларни ўйлаётган бўлиши мумкин, аммо А Серия ғолиблиги биз учун муҳим саналади. Агар биз ЕЧЛда рақобатдош бўлишни истаётган бўлсак, у ҳолда Италияда ҳам рақобатдош бўлишимиз шарт, — деди Сарри.