Shveysariyaning SwissRamble kompaniyasi Yevropa chempionlar ligasi guruh bosqichi yakunlari bo‘yicha klublarning daromadlarini hisoblab chiqdi. Hisob-kitobga ko‘ra, 7ta jamoaning daromadlari 75 million yevrodan oshgan.

Har bir klubga quyidagilar uchun pul mukofotlari berilishi ko‘zda tutilgan:

— guruh bosqichidagi ishtirok uchun — 15,25 million yevro;
— har bir g‘alaba uchun — 2,7 million yevro;
— har bir durang uchun — 0,9 million yevro;
— nimchorak finalga chiqqani uchun — 9,5 million yevro;
— Jamoaning so‘nggi 10 yildagi ishtirokiga qarab UYEFA koeffisiyenti uchun;
— TV-translyasiyadan daromad;
— guruh bosqichidagi ishtiroki uchun qo‘shimcha daromad.

Daromadlar qiymati bo‘yicha "Bavariya" klubi yetakchilik qilmoqda — 81.5 mln yevro. Myunxenliklar guruh bosqichida barcha o‘yinlarda g‘alaba qozonishdi. Keyingi o‘rinlarni "Barselona" (80,8 million) i "Yuventus" (80,4 million) egallab turishibdi.

Shuningdek, "Manchester Siti" (77,7 million), "Liverpul" (75,6 million), "PSJ" (75,2 million), "Real" (74,9 million), "Chelsi" (73,4 million yevro) va "Atletiko" (72,7 million) klublarining daromadlari 70 million yevrolik marradan o‘tgan.

Guruh bosqichida eng kam pul ishlagan jamoa Chexiyaning "Slaviya" klubi bo‘ldi.