Angliya chempionatining 20-turi doirasida 3ta o‘yin yakuniga yetdi.

«Everton» safarda «Nyukasl» klubi mehmoni bo‘lib, 2:1 hisobida g‘alaba qozondi. Mersisaydliklar hujumchisi Kalvert-Lyuin bu o‘yinda 2ta golga mualliflik qildi. Shu tariqa, Karlo Anchelotti jamoani qabul qilganidan keyin ketma-ket ikkinchi o‘yinda g‘alaba qozondi. Ushbu g‘alaba tufayli «Everton» o‘z ochkolarini 25taga yetkazib, jadvada 10-o‘ringa ko‘tarildi.

«Sautgempton» o‘z maydonida «Kristal Pelas» bilan durang o‘ynagan bo‘lsa, «Uotford» o‘z uyida «Aston Villa»ni yirik hisobda mag‘lub etdi. E’tiborli tomoni, «Uotford» futbolchisi Mariappa bahsning 57-daqiqasida maydondan chetlatilgan edi. Shundan so‘ng mezbonlar yana ikkita gol urishdi.

APL. 20-tur

Nyukasl Yunayted – Everton – 1:2 (0:1)
Gollar: 0:1 – Kalvert-Lyuin, 13; 1:1 – Sher, 56; 1:2 – Kalvert-Lyuin, 64.

Sautgempton – Kristal Pelas – 1:1 (0:0)
Gollar: 0:1 – Tomkins, 50; 1:1 – Ings, 74.

Uotford – Aston Villa – 3:0 (1:0)
Gollar: 1:0 – Dini, 42; 2:0 – Dini, 67 (penalti); 3:0 – Sarr, 71.
Chetlatish: Mariappa (57, "Uotford").