Англия чемпионатининг 20-тури доирасида 3та ўйин якунига етди.

«Эвертон» сафарда «Ньюкасл» клуби меҳмони бўлиб, 2:1 ҳисобида ғалаба қозонди. Мерсисайдликлар ҳужумчиси Калверт-Льюин бу ўйинда 2та голга муаллифлик қилди. Шу тариқа, Карло Анчелотти жамоани қабул қилганидан кейин кетма-кет иккинчи ўйинда ғалаба қозонди. Ушбу ғалаба туфайли «Эвертон» ўз очколарини 25тага етказиб, жадвада 10-ўринга кўтарилди.

«Саутгемптон» ўз майдонида «Кристал Пэлас» билан дуранг ўйнаган бўлса, «Уотфорд» ўз уйида «Астон Вилла»ни йирик ҳисобда мағлуб этди. Эътиборли томони, «Уотфорд» футболчиси Мариаппа баҳснинг 57-дақиқасида майдондан четлатилган эди. Шундан сўнг мезбонлар яна иккита гол уришди.

АПЛ. 20-тур

Ньюкасл Юнайтед – Эвертон – 1:2 (0:1)
Голлар: 0:1 – Калверт-Льюин, 13; 1:1 – Шер, 56; 1:2 – Калверт-Льюин, 64.

Саутгемптон – Кристал Пэлас – 1:1 (0:0)
Голлар: 0:1 – Томкинс, 50; 1:1 – Ингс, 74.

Уотфорд – Астон Вилла – 3:0 (1:0)
Голлар: 1:0 – Дини, 42; 2:0 – Дини, 67 (пенальти); 3:0 – Сарр, 71.
Четлатиш: Мариаппа (57, "Уотфорд").