"Manchester Yunayted" yarim himoyachisi Skott Maktominay jarohati bois, sakkiz hafta muddat davomida maydonga tusha olmasligi mumkin. Bu haqda Daily Mail nashri xabar bermoqda.
Ma’lumot uchun, futbolchi APLning 19-turi doirasidagi "Nyukasl"ga qarshi o‘yinda jarohat olib, maydonni erta tark etgandi.
Manbaning xabariga ko‘ra, tahlil natijalari futbolchining tizza to‘qimalari shikastlanganligini ko‘rsatgan. "MYU" bosh murabbiyi Ole-Gunnar Sulsher dastlab futbolchining 2-3 haftaga safdan chiqqanligini taxmin qilayotgandi, ammo qo‘shimcha tibbiy ko‘riklar Skottning taxminan ikki oyga safdan chiqqanligini ko‘rsatgan. Maktominay katta ehtimol bilan "Liverpul" va Angliya liga kubogi doirasidagi "Manchester Siti"ga qarshi ikki uchrashuvda ham "Yunayted"ga yordam bera olmaydi.