"Манчестер Юнайтед" ярим ҳимоячиси Скотт Мактоминай жароҳати боис, саккиз ҳафта муддат давомида майдонга туша олмаслиги мумкин. Бу ҳақда Daily Mail нашри хабар бермоқда.
Маълумот учун, футболчи АПЛнинг 19-тури доирасидаги "Ньюкасл"га қарши ўйинда жароҳат олиб, майдонни эрта тарк этганди.
Манбанинг хабарига кўра, таҳлил натижалари футболчининг тизза тўқималари шикастланганлигини кўрсатган. "МЮ" бош мураббийи Оле-Гуннар Сульшер дастлаб футболчининг 2-3 ҳафтага сафдан чиққанлигини тахмин қилаётганди, аммо қўшимча тиббий кўриклар Скоттнинг тахминан икки ойга сафдан чиққанлигини кўрсатган. Мактоминай катта эҳтимол билан "Ливерпуль" ва Англия лига кубоги доирасидаги "Манчестер Сити"га қарши икки учрашувда ҳам "Юнайтед"га ёрдам бера олмайди.
