Bahodir Ahmedov boshchiligidagi O‘zbekiston milliy terma jamoasi Turkmaniston mezbonlik qiladigan futzal bo‘yicha Osiyo chempionati-2020 bahslariga jiddiy hozirlik olib bormoqda.
Futzalchilarimiz 10 yanvardan boshlab poytaxtimizda yig‘inga kirishishgan. Kuniga ikki mahaldan mashg‘ulotlar olib borilmoqda. Dastlab 10-19 yanvar oralig‘ida Toshkentda mashg‘ulotlar o‘tkaziladi. So‘ngra 19-23 yanvar kunlari Ozarbayjon poytaxti Bokuda yig‘in tashkil etiladi. Yig‘in doirasida mazkur mamlakat milliy jamoasi bilan 2 ta o‘rtoqlik o‘yini ham o‘tkaziladi.
