«Bunyodkor» klubi Abu Dabi yig‘ini doirasidagi so‘nggi uchrashuvini o‘tkazdi.

Bunga qadar mahalliy «Al-Vahda» (1:1), «Ittihod Kalba» (0:0) klublari bilan durang o‘ynagan «Bunyodkor» bugun Janubiy Koreyaning «Suvon» jamoasiga qarshi maydonga chiqdi.

Birinchi bo‘limda raqib Abdumavlon Abdujalilov qo‘riqlagan darvozani ikki bor ishg‘ol qilgan bo‘lsa, tanaffusdan keyin futbolchilarimiz o‘zlariga kelishdi va hisobni qisqartirishdi. Kiritilgan gollarga Murod Xolmuhammedov va Bahodir Pardayev mualliflik qildi. Shu tariqa Abu Dabi yig‘ini doirasida uchta nazorat uchrashuvida maydonga chiqqan «Bunyodkor» barcha o‘yinda durangga erishdi.

XALQARO O‘RTOQLIK UCHRASHUVI
«SUVON» (Janubiy Koreya) – «BUNYODKOR» - 2:2 (2:0)
16 yanvar. Abu Dabi. Abu Dabi sport majmuasi o‘yingohi.
«Bunyodkor»: Abdumavlon Abdujalilov (Sarvar Karimov), Hasan Yo‘ldoshev (Suhrob Yarashev), Anvar G‘ofurov (Davronjon Ergashev), Murod Xolmuhammedov, Dilshod Ahmadaliyev, Lutfulla To‘rayev, Sardor Abduraimov (Boburbek Farhodov), G‘ulom-Haydar G‘ulomov (Suhrob Izzatov), Selim Nurmurodov (Bahodir Pardayev), Sanjar Rixsiboyev (Jasur Jaloliddinov), Humoyun Murtazoyev (Farrux Ikromov).
Gollar: Bahodir Pardayev, Murod Xolmuhammedov.