Londoning «Chelsi» klubi hujumchisi Olivye Jiru yaqin soatlar ichida Italiyaning «Inter» klubi futbolchisiga aylanadi.

La Gazzetta dello Sport nashrining tarqatgan ma’lumotiga qaraganda, Jiruning agenti “Inter” klubi rahbariyati bilan Milan shahrida navbatdagi muzokarani o‘tkazgan.

Yaqin vaqtlar ichida Jiru tibbiy ko‘rikdan o‘tish va shartnoma imzolash uchun Italiyaga yo‘l oladi.

Avvalroq «Chelsi» va «Inter» klublari 33 yoshli hujumchining transferi borasida kelishib olgan edilar. Milanliklar uning transferi uchun 5 million yevro to‘lab beradi, Jiru esa 2,5 yillik shartnomaga imzo chekadi.

Jiru «Chelsi» klubi safiga 2018 yilning yanvar oyida «Arsenal» klubidan o‘tgan edi. Joriy mavsum u 7 ta uchrashuvda maydonga tushib, 1 ta gol kiritdi.