Лондонинг «Челси» клуби ҳужумчиси Оливье Жиру яқин соатлар ичида Италиянинг «Интер» клуби футболчисига айланади.
La Gazzetta dello Sport нашрининг тарқатган маълумотига қараганда, Жирунинг агенти “Интер” клуби раҳбарияти билан Милан шаҳрида навбатдаги музокарани ўтказган.
Яқин вақтлар ичида Жиру тиббий кўрикдан ўтиш ва шартнома имзолаш учун Италияга йўл олади.
Аввалроқ «Челси» ва «Интер» клублари 33 ёшли ҳужумчининг трансфери борасида келишиб олган эдилар. Миланликлар унинг трансфери учун 5 миллион евро тўлаб беради, Жиру эса 2,5 йиллик шартномага имзо чекади.
Жиру «Челси» клуби сафига 2018 йилнинг январь ойида «Арсенал» клубидан ўтган эди. Жорий мавсум у 7 та учрашувда майдонга тушиб, 1 та гол киритди.
