"Atletiko" hujumchisi Diyego Kosta jamoaning umumiy guruh mashg‘ulotlariga qaytdi, deya xabar beradi AS.
Hujumchi jarohatdan keyin tiklanish jarayonini yakunladi va jamoadoshlari bilan mashg‘ulotlarga kirishdi. Kelgusi haftada 31 yoshli futbolchi to‘liq kuch bilan mashq qilishni boshlaydi.
Eslatib o‘tamiz, noyabr oyida Kosta jarrohlik amaliyotini o‘tkazib, shu paytgacha shifoxonada edi.
Ma’lumot o‘rnida, ushbu mavsumda hujumchi "Atletiko" safida 15 ta uchrashuv o‘tkazib, 2 ta gol va 3 ta assistentlik qilgan.
