"Атлетико" ҳужумчиси Диего Коста жамоанинг умумий гуруҳ машғулотларига қайтди, дея хабар беради AS.
Ҳужумчи жароҳатдан кейин тикланиш жараёнини якунлади ва жамоадошлари билан машғулотларга киришди. Келгуси ҳафтада 31 ёшли футболчи тўлиқ куч билан машқ қилишни бошлайди.
Эслатиб ўтамиз, ноябрь ойида Коста жарроҳлик амалиётини ўтказиб, шу пайтгача шифохонада эди.
Маълумот ўрнида, ушбу мавсумда ҳужумчи "Атлетико" сафида 15 та учрашув ўтказиб, 2 та гол ва 3 та ассистентлик қилган.