“Lokomotiv”ning mag‘lubiyati bilan yakunlangan uchrashuvidan so‘ng, Tojikiston klubi yetakchisi Marko Milichni suhbatga tortdik.

- Bugungi o‘yin haqida fikrlaringiz?

- Uchrashuvda ikkinchi raqamda harakat qilishni avvaldan kelishib olgan edik. Barchasi ko‘ngildagidek o‘tdi. Bizni qo‘llab-quvvatlab turish uchun Tojikistondan yetib kelgan muxlislarga o‘z minnatdorchiligimni bildirib o‘tmoqchiman. Ularning o‘yin borishidan tutgan o‘rni juda katta bo‘ldi.

- Bugungi uchrashuv oldidan  “Istiqlol” autsayder edi, biroq yakunda g‘olib chiqdinglar. “Lokomotiv” sizlar taxmin qilgandek qarshilik ko‘rsatdimi?

- Ochig‘i, biz bu jamoa haqida o‘yindan oldin yetarlicha ma’lumotga ega edik. Uning futbolchilaridan tortib, murabbiyiga qadar. Ularning nimalarga qodir ekanligini avvaldan chamalab olganmiz. Murabbiylarimiz barchasini inobatga olgan holda o‘yinga to‘g‘ri taktika tanlashdi. Aynan shu faktor yakunda hal qiluvchi omilga aylandi deb o‘ylayman. “Lokomotiv” bugun faol bo‘lishga urindi, lekin bizning o‘yinga tanlagan taktikamiz g‘alaba keltirdi.

- Jamoaning Saudiya Arabistonida bo‘lib o‘tadigan o‘yinda imkoniyatlari qanday?

- Raqiblarimizda qancha imkoniyat bo‘lsa, bizlarda ham shuncha. Biz chempionlarmiz. O‘z maqomimizdan kelib chiqib istalgan raqibni mag‘lub etishimiz shart.