Bahodir Ahmedov boshchiligidagi futzal bo‘yicha O‘zbekiston milliy terma jamoasi Ashxobodda o‘tkaziladigan Osiyo chempionatiga tayyorgarlik doirasida Bokuda yig‘in tashkil etgani haqida xabar bergan edik.

Kecha terma jamoamiz Ozarbayjon milliy termasi bilan ikkinchi o‘rtoqlik o‘yinini o‘tkazdi. Uchrashuv 4:3 hisobida mezbonlar foydasiga hal bo‘ldi.

Eslatib o‘tamiz, dastlabki o‘yinda O‘zbekiston 3:2 hisobida g‘alaba qozongan edi.

O‘rtoqlik o‘yini
Ozarbayjon – O‘zbekiston 4:3
Gollar: Vassura, 3 (1:0), Hamroyev, 10 (1:1), Bolinya, 13 (2:1), Eduardo, 15 (3:1), Ropiyev, 26 (3:2), Jo‘rayev, 29 (3:3), Atayev, 37 (4:3)