O‘zbek tennisining afsonasi Iroda To‘laganova Osiyo tennis federasiyasining vise-prezidenti etib saylandi.
Ma’lumot uchun, To‘laganova bir paytning o‘zida O‘zbekiston tennis federasiyasining Bosh kotibi lavozimida ham ishlab kelmoqda.
Hamyurtimiz o‘tgan yilning 1 dekabr kuni Hindistonning Bangalor shahrida o‘tgan yig‘ilishda Osiyo tennis federasiyasining direktorlar kengashi a’zosi bo‘lgan edi. Ortda qolgan vaqt mobaynida yurtdoshimizning samarali faoliyati uni xalqaro tashkilotning vise-prezidentlik darajasiga ko‘tardi.
O‘zbekiston Respublikasi Jismoniy tarbiya va sport vazirligi Iroda To‘laganovani xalqaro lavozimda ish boshlayotgani munosabati bilan kelgusidagi faoliyatida omadlar yor bo‘lishini tilab qoladi.
Jismoniy tarbiya va sport vazirligi
Matbuot xizmati
