Yengilmas UFC jangchisi Habib Nurmagamedovning ustozi Xavyer Mendes kuni kecha “The Body Lock” nashri uchun kichik intervyu berib o‘tdi. Habibning uzoq yillik ustozi Toni Fergyuson bilan bo‘ladigan jang oldidan ketayotgan tayyorgarlik jarayoni va Habibning imkoniyatlariga to‘xtalib o‘tdi.

"Habibning chinakam kardiomashina ekanligini unutmasligingiz lozim. U UFCdagi eng jismonan baquvvat va chiniqqan jangchi. Uni jang davomida charchab qolganini hech ko‘rganmisiz? Barcha Feryusonning 5 raund jangga tayyorgarlik ko‘rayotgani haqida gapirmoqda. Nurmagamedov ham jangning bunday ko‘rinish olishiga qarshi emas. O‘ylashimcha, bu jangda vaqt cho‘zish bo‘lmaydi. Yigitlar oktagonda chinakam jang qilishadi. Ular aynan shunga tayyorgarlik ko‘rishmoqda. Shogirdimning imkoniyatlaridan kelib chiqib shuni aytishim mumkin-ki, biz 5 raund o‘tadigan jangni yuqori tempda o‘tkazishga har taraflama tayyormiz. Ruhan va jismonan barchasi joyida. Umid qilamanki, jangda ham bu faktorlar bizning foydamizga ish beradi.

Bu  Habibning faoliyatidagi eng kuchli va xavfli raqib. Toniga qadar Habib hech qachon bunday yuqori klasdagi jangchi bilan oktagonda to‘qnash kelmagani aniq. Uni mag‘lub etish uchun Habib birinchi navbatda raqibini hurmat qilishi lozim. Agar Habib Tonini yetarlicha hurmat qilmasa, bu jangni boy berishi mumkin.

Biz ayni damda o‘tayotgan mashg‘ulotlar Habibning to‘liq 5 raund jang qilishini ta’minlab beradi. Shunday bo‘lsa-da, Habibning jang davomida charchab qolganini birov ko‘rganmi? Albatta yo‘q. U raqib tuzgan strategiyani istalgan daqiqada buzib tashlashga qodir tug‘ma jangchilardan", — dedi murabbiy.