Yangi mavsumga tayyorgarlikni Turkiyaning Belek shahrida olib borayotgan Namanganning “Navbahor” klubi ixtiyoriga kecha kechki payt ikki nafar xorijlik futbolchilar qo‘shilishdi. Bular – rossiyalik Maksim Votinov va Konstantin Morozov.

Maksim Votinov 1988 yil, 29 avgustda Rossiyaning Sankt-Peterburg shahrida tug‘ilgan. Ampluasi – hujumchi.

Futbolchilik faoliyati davomida Finlyandiyaning “Kuusankoski” (2008 yil), MyuPA (2009-2011 yillar), “Mikkelin” (2009 yil), Rossiyaning “Baltika” (2012 – 2014 yillar), “Arsenal” (2014 yil), “Tosno” (2015 yil), “Sibir” (2016 – 2017 yillar), “Rotor” (2017-2018 yillar), Slovakiyaning “Zemplin” (2016 yil) jamoalarida o‘ynagan.

O‘tgan mavsumni esa Latviyaning “Elgava” klubida o‘tkazgan.

Konstantin Morozov esa 1992 yilning 13 mayida Rossiyaning Tver viloyatida tavallud topgan. Ampluasi – himoyachi.

Futbolchilik faoliyati davomida Rossiyaning “Ximki” (2009 yil, 2011-2012 yillar), “Rubin-2” (2010 yil), “Jemchujina – Sochi” (2011 yil), “Biolog - Novokubansk” (2012 – 2013 yillar), “Kvazar” (2014 yil), “Armavir” (2015-2016 yillar), “Enisey” (2016 yil), “Sochi” (2017 yil), “Ararat” (Moskva, 2017 yil), Armanistonning “Uliss” (2014-2015 yillar) jamoalarida to‘p surgan.

2018 yildan buyon Armanistonning “Alashkert” klubida o‘ynamoqda.

Mazkur legionerlar “Navbahor”ning mashg‘ulotlariga ertadan qo‘shilishadi. Ular klub murabbiylarida yaxshi taassurot qoldirishsa, jamoa bilan shartnoma imzolashadi.

“Navbahor” PFK matbuot xizmati.