Avstraliyaning Melburn shahrida tennis bo‘yicha "Australian Open" musobaqasiga yakuniga yetdi.

Turnirning erkaklar o‘rtasidagi final bahsida serbiyalik Novak Jokovich avstriyalik Dominik Timga qarshi bahs olib bordi.

Musobaqa 2-raqam ostida saralangan Jokovich birinchi setda ikkita "breyk"ni amalga oshirishi oqibatida hisobda oldinga o‘tib oldi. Turnir davomida yuqori saviyali o‘yin namoyish qilgan Tim tezda o‘ziga keldi hamda ikkinchi va uchinchi bo‘limlarni o‘z foydasiga hal qildi.

To‘rtinchi set teng kurashlar ostida kechayotgan edi. Tajribali Novak kerakli paytda "breyk"ni amalga oshirib qolib, o‘yinni beshinchi setga ko‘chirdi.

Serbiyalik raketka ustasi so‘nggi setda ham burilish nuqtasini topa bildi va uchrashuvni o‘z foydasiga hal qildi.

Shu tariqa, roppa-rosa 4 soat davom etgan o‘yinda Novak Jokovich 6:4, 4:6, 2:6, 6:3, 6:4 hisoblarida g‘alaba qozondi va faoliyatida 8-marotaba Avstraliya Ochiq chempionati g‘olibiga aylandi. "Ulkan toj" turkumidagi turnirlardagi g‘alabalar soni esa 17 taga yetdi.