Italiya chempionatining 22-turidan o‘rin olgan so‘nggi uchrashuv bo‘lib o‘tdi. Gattuzo boshqaruvidagi «Napoli» safarda «Sampdoriya» mehmoni bo‘lib, qiyin g‘alabaga erishdi.

Neapolliklar dastlabki 16 daqiqa davomida raqib darvozasini ikki marta ishg‘ol qilishgani tufayli, bugun ular oson g‘alabani qo‘lga kiritadigandek tasavvur uyg‘otgan edi. Ammo oradan ko‘p o‘tmasdan 37 yoshli Kualyarella ajoyib zarba bilan hisobdagi farqni qisqartirdi.

Shundan so‘ng "Samdoriya" hujumchisining yaqin masofadan yo‘llagan zarbasi ustunga tegib qaytgan bo‘lsa, VAR mezbonlarning bitta golini bekor qildi.

O‘yin tugashiga 17 daqiqa qolganida esa VAR yordamida mehmonlar darvozasi tomon penalti belgilandi hamda Gabbyadini undan samarali foydalanib, muvozanatni tikladi.

Qolgan daqiqalarda "Napoli" hujumkorlikni oshirib, raqib darvozasini ikki marta ishg‘ol qilishga muvaffaq bo‘ldi.

Ushbu g‘alabadan keyin Gattuzo jamoasi o‘z ochkolarini 30taga yetkazib, jadvalda 9-o‘ringa ko‘tarilib oldi.

Italiya chempionati, 22-tur
Sampdoriya – Napoli 2:4 (1:2, 1:2)
Gollar: 0:1 – 3 Milik, 0:2 – 16 Elmaz, 1:2 – 26 Kualyarella, 2:2 – 73, penalti Gabbyadini, 2:3 – 83 Demme, 2:4 – 90+8 Mertens.
Sampdoriya – Audero, Torsbyu, Tonelli, Kolli, Audjello, Ramires (Maroni, 68), Ekdal, Linetti, Yankto (Ronaldu Viyeyra, 79), Gabbyadini, Kualyarella (Bonassoli, 75).
Napoli – Meret, Xyusay, Manolas, Di Lorenso, Mariu Ruy, Elmaz (Politano, 79), Lobotka (Demme, 61), Zelinski, Kalyexon (Mertens, 72), Milik, InsinYE.
Ogohlantirishlar: Elmaz (43), Yankto (43), Ekdal (47), Ramires (58), Linetti (87), Demme (90), Politano (90).