Италия чемпионатининг 22-туридан ўрин олган сўнгги учрашув бўлиб ўтди. Гаттузо бошқарувидаги «Наполи» сафарда «Сампдория» меҳмони бўлиб, қийин ғалабага эришди.

Неаполликлар дастлабки 16 дақиқа давомида рақиб дарвозасини икки марта ишғол қилишгани туфайли, бугун улар осон ғалабани қўлга киритадигандек тасаввур уйғотган эди. Аммо орадан кўп ўтмасдан 37 ёшли Куальярелла ажойиб зарба билан ҳисобдаги фарқни қисқартирди.

Шундан сўнг "Самдория" ҳужумчисининг яқин масофадан йўллаган зарбаси устунга тегиб қайтган бўлса, VAR мезбонларнинг битта голини бекор қилди.

Ўйин тугашига 17 дақиқа қолганида эса VAR ёрдамида меҳмонлар дарвозаси томон пенальти белгиланди ҳамда Габбьядини ундан самарали фойдаланиб, мувозанатни тиклади.

Қолган дақиқаларда "Наполи" ҳужумкорликни ошириб, рақиб дарвозасини икки марта ишғол қилишга муваффақ бўлди.

Ушбу ғалабадан кейин Гаттузо жамоаси ўз очколарини 30тага етказиб, жадвалда 9-ўринга кўтарилиб олди.

Италия чемпионати, 22-тур
Сампдория – Наполи 2:4 (1:2, 1:2)
Голлар: 0:1 – 3 Милик, 0:2 – 16 Элмаз, 1:2 – 26 Куальярелла, 2:2 – 73, пенальти Габбьядини, 2:3 – 83 Демме, 2:4 – 90+8 Мертенс.
Сампдория – Аудеро, Торсбю, Тонелли, Колли, Ауджелло, Рамирес (Марони, 68), Экдаль, Линетти, Янкто (Роналду Виейра, 79), Габбьядини, Куальярелла (Бонаццоли, 75).
Наполи – Мерет, Хюсай, Манолас, Ди Лоренцо, Мариу Руй, Элмаз (Политано, 79), Лоботка (Демме, 61), Зелиньски, Кальехон (Мертенс, 72), Милик, Инсинье.
Огоҳлантиришлар: Элмаз (43), Янкто (43), Экдаль (47), Рамирес (58), Линетти (87), Демме (90), Политано (90).