Angliya kubogining 4-bosqichi doirasida takroriy o‘yinlar bo‘lib o‘tdi. Angliyada daraja bo‘yicha uchinchi divizion vakili bo‘lgan «Shrusberi» dastlabki o‘yinda o‘z uyida «Liverpul» bilan durang o‘ynagan edi.

«Enfild»dagi o‘yinda esa mersisaydliklar o‘rinbosarlar (U23) bilan ishtirok etishga qaror qildi. Shunga qaramay, mezbonlar hujumkor o‘yin uslubini tanlashdi. O‘yin taqdirini esa avtogol hal qildi. Maydon markazidan yetkazilgan uzatmani markaziy himoyachi Uilyams o‘z darvozasiga joylab qo‘ydi. U darvozabonning oldinga chiqib ketganini ko‘rmay qoldi.

Shu tariqa, «Liverpul» Angliya kubogining nimchorak finaliga yo‘l oldi va bu bosqichda «Chelsi» bilan to‘qnash keladi.

Angliya kubogi, 4-bosqich, takroriy o‘yin
Liverpul – Shrusberi 1:0 (0:0, 1:0)
Gol: 1:0 – 75, avtogol Uilyams.
Liverpul – Kellexer, Uilyams, Xuver, van der Berg, Klarkson (Boys, 90), Lyuis, Keyn, Chirivelya, Jons, Millar (Xardi, 82), Elliot (Dikson-Bonner, 90).
Shrusberi – O`Liri, Ebanks-Lendell, Golburn, Lav, Pyer, Loran, Edvards, Goss (Kammings, 74), Uilyams, Leng (Udo, 57), Uolli (Uoker, 82).
Ogohlantirishlar: Golburn (33), Uilyams (40), Lav (65).