O‘tgan mavsumda “Lokomotiv“ U-21 jamoasi bilan klub tarixida ilk bor Yoshlar ligasida chempion bo‘lgan Rifat Akramxo‘jayev ushbu mavsumda U-18 jamoamizni boshqaradi.
Rifat Akramxo‘jayevga murabbiylar shtabida yordamchi murabbiy Yuriy Vintovkin hamda darvozabonlar murabbiyi Anvar Jabborovlar yordam berishadi. Shu bilan birga Akramxo‘jayev “Lokomotiv“ U-21 jamoasida Dilshod Nuraliyevga yordamchi murabbiy sifatida faoliyatini davom ettiradi.
O‘tgan yillar davomida klubimizda bolalar futboliga bo‘lgan e’tibor ancha oshdi va bunga tarbiyalanuvchilarimiz ham o‘z g‘alabalari bilan munosib javob qaytarishmoqda. Shu o‘rinda aytish mumkinki, Rifat Akramxo‘jayev boshqaruvidagi “Lokomotiv“ U-18 jamoamizga yangi mavsumda omad tilab qolamiz.
