Londonning «Chelsi» klubi bosh murabbiyi yaqinda Gollandiyaning «Ayaks» klubidan sotib olingan Xakim Ziyesh haqida fikr bildirdi.

«Uning o‘yinlarini birinchi marta o‘tgan mavsumdagi YECHL orqali ko‘rgandim. Mening fikrimcha, Xakim juda ajoyib o‘yin namoyish etgandi, ayniqsa, «Tottenxem»ga qarshi o‘yinda. Joriy mavsumda biz «Ayaks»ga qarshi ikkita o‘yin o‘tkazdik va o‘sha o‘yin menga u haqda ko‘p ma’lumotlarni taqdim etdi. Ziyesh chap oyog‘ida ajoyib harakat qiladi, u qanotda va hujum ortida katta foyda beradi.

O‘ylaymanki, mavsumda bizning qiyin o‘yinlarimiz juda ko‘p bo‘ldi. Raqiblar himoyasini yorib o‘ta olmaganimizni ko‘pchilik sezgan bo‘lsa kerak. Xakim orqali “Chelsi” hujumlari keskin tus oladi. U golli paslarni amalga oshirishdan tashqari, o‘zi ham gol taqdirini hal qilib qo‘ya oladi.

Muxlislarimiz uning tezroq tarkibimizga kelib qo‘shilishini intirzorlik bilan kutishayotganiga shubha qilmayman», — dedi Frenk Lempard.