Yangi mavsumga tayyorgarlik ko‘rayotgan «Dinamo» jamoasi bugun, 18 fevral kuni G‘uzorning «Sho‘rtan» klubiga qarshi nazorat uchrashuvi o‘tkazdi.
Qor yog‘ishiga qaramay, Jomboy tumani stadionida o‘tgan bahsda har ikki jamoa murabbiylari bir qator futbolchilarni sinovdan o‘tkazishdi.
Shu kuni jamoamiz asosiy tarkibida «Dinamo»ga qaytgan himoyachi Bunyod Isroilov maydonga tushdi. Shuningdek, jamoa ko‘rigida ishtirok etayotgan afrikalik 19 yoshli yarimhimoyachi Faysal Traore ham to‘p surdi.
O‘yinning 27-daqiqasida yosh hujumchi Shahboz Nuriddinov hisobni ochgan bo‘lsa, 36-daqiqada mehmonlar safidagi tajribali yarimhimoyachi Samandar Shodmonov hisobni tenglashtirdi – 1:1.
Ikkinchi bo‘limda ikki jamoada ham hisobni o‘zgartirish uchun imkoniyatlar yuzaga kelgan bo‘lsa-da, bahs durang natija bilan tugadi. Qayd etish kerak, shu kuni «Dinamo» safida bir qator futbolchilar jarohat bois maydonga tusha olishmadi.
Nazorat uchrashuvi. 18 fevral
«Dinamo» - «Sho‘rtan» - 1:1
Gollar: Shahboz Nuriddinov, 27 – Samandar Shodmonov, 36.
«Dinamo»: Shoxruh Eshbo‘tayev, Bunyod Isroilov, Obid Hakimov, Komil Sharofutdinov, Avaz Agaliyev, Bobur Qosimov, Jasur Azimov, H.Omonov, Faysal Traore, Nizom Norov, Shahboz Nuriddinov.
Zaxiradan maydonga tushganlar: F.Rahmatov, M.Hamraliyev, SH.Muxtorov, SH.SHobirov, A.Murodov, O.Razoqov.
